Skilmálar kubuneh.is / allir skipta máli

Skilgreiningar

Í skilmálum þessum skulu eftirfarandi hugtök hafa eftirfarandi merkingu: „Kubuneh“ eða „Kubuneh.is“ þýðir Allir skipta máli, kt.7007200470, Austurvegi 1b, 900 Vestmannaeyjum.

„Þú“ eða viðkomandi þýðir kaupandi/viðskiptavinur.

Kubuneh Verslun er hringrásarverslun staðsett í Vestmannaeyjum. Öll innkoma af sölu fer óskert í rekstur á heilsugæslu í litlu þorpi í Gambíu.

1. Almennt

Aðgangur og notkun Kubuneh netverslunarinnar á kubuneh.is er háð eftirfarandi skilmálum. Ef þú ferð á vefsíðuna, skoðar eða leggur fram pöntun samþykkir þú þessa skilmála.

Vinsamlegast lestu skilmálana vandlega þar sem þeir innihalda mikilvægar upplýsingar. Ef þú hefur einhverjar spurningar, ekki hika við að hafa samband við Kubuneh, kubunehverslun@gmail.com

Kubuneh áskilur sér rétt til að breyta, fjarlægja eða bæta við vefsíðuna og skilmála þessa án sérstakra tilkynninga. Skilmálarnir sem eru í gildi þegar pöntun er gerð, gilda um viðkomandi pöntun, með öllum þeim breytingum og viðaukum sem kunna að hafa verið gerðir á þeim. Skilmálarnir skulu vera í samræmi við landslög Íslands, tilskipanir og reglur Evrópska Efnahagssvæðisins eftir því sem við á.

2. Persónuvernd

Vinsamlegast lestu skilmála okkar um persónuvernd hér.

3. Kaupskilmálar

Kubuneh samþykkir aðeins pantanir sem gerðar eru á kubuneh.is. Ekki er hægt að taka á móti pöntunum í síma, tölvupóst eða á Facebook síðu Kubuneh. Þjónusta á Instagram síðu Kubuneh er háð þeim skilyrðum sem fram koma hér á eftir.

Þú gefur upp afhendingar- og tengiliðsupplýsingar (eins og tölvupóstfang og farsímanúmer). Þetta má gera annaðhvort á innkaupahluta síðunnar eða með því að skrá þig inn á á vefsíðunni.

Vörur sem eru settar í innkaupakörfuna eru ekki fráteknar fyrr en pöntunin er staðfest af Kubuneh með pöntunarstaðfestingu sem er send á netfangið þitt.

4. Staðfesting á pöntun og afhending

Þegar pöntun er afgreidd á vefsíðunni er kominn á bindandi samningur um kaup eftir að Kubuneh hefur staðfest pöntunina í tölvupóstfangið sem þú gafst upp. (Pöntunarstaðfesting). Pöntunarstaðfestingin er send á netfangið þitt þegar Kubuneh hefur skráð pöntunina og fengið greiðslu. Pantanir skráðar á föstudögum, laugardögum, sunnudögum og öðrum helgidögum verða staðfestar eigi síðar en næsta virka dag kl. 18:00.

Sé varan ekki til á lager mun þjónustufulltrúi hafa samband. Pantanir eru sendar með Íslandspósti og gilda afhendingar-, ábyrgðar og flutningsskilmálar Íslandspósts um afhendingu vörunnar. Kubuneh ber samkvæmt þessu enga ábyrgð á tjóni sem kann að verða á vöru í flutningi. Verði vara fyrir tjóni frá því að að hún er send frá Kubuneh til viðkomandi er tjónið á ábyrgð kaupanda.

Þegar pöntun er send frá vörugeymslu okkar færð þú senda staðfestingu með upplýsingum um hvernig á að fylgjast með sendingunni. Athugaðu að rekjanleiki er aðeins mögulegur á pöntunum sem sendar eru með Póstinum.

Ef seinkun er á sendingu frá vörugeymslu okkar þ.e. í meira en 20 daga hefur þú heimild til að hætta við kaupin. Í slíku tilviki biðjum við þig hafa samband við Kubuneh, kubunehverslun@gmail.com

5. Greiðsla

Verð er sýnt í íslenskum krónum (ISK) á vefsíðunni. Verð getur breyst og má afturkalla hvenær sem er.

Kubuneh vefverslun samþykkir eftirfarandi greiðslumáta fyrir pantanir:

Kredit- / debetkort

Þegar greiðsla er framkvæmd með kredit- eða debetkorti (VISA, Mastercard, Maestro eða American Express) er greiðslan skuldfærð þegar í stað og heimild fæst.

Allar greiðslur sem eru gerðar með kredit- eða debetkorti eru gerðar með öruggum greiðsluþjónustuveitanda (PSP) sem notar SSL (Secure Sockets Layer) í dulkóðuðu formi sem veitir viðskiptavinum öryggi í samræmi við alþjóðlega öryggisstaðal PCI DSS.

Allir kredit- og debetkortakorthafar gangast undir skilmála kortaútgefanda. Ef útgefandi tiltekins kredit- eða debetkorts neitar að heimila greiðslu til Kubuneh, berast þér skilaboð þar sem fram kemur að greiðsluna sé ekki hægt að framkvæma. Kubuneh ber ekki ábyrgð á töfum eða synjun á því að vara sé afhent sé það rakið til synjunar á korti eða heimild.

Suma staðbundna kredit- / debetkortaútgefendur, t.d. DanCard (Danmörk) Carte Bleue (Frakkland), er einnig hægt að nota til að greiða pöntunina en Verifone á íslandi ehf. er færsluhirðir Kubuneh.is og vísast til reglna þeirra um færsluhirðingu að öðru leyti.

Millifærsla

Kubuneh býður upp á að lagt sé inn á reikning okkar.

Reikningsnúmer: 0582-14-7007 kt. 700720-0470

Þegar greiðsla hefur verið innt af hendi og staðfesting send á netfangið kubunehverslun@gmail.is verður staðfestingarpóstur sendur til þín og þar með eru viðskiptin staðfest.

6. Tilkynning um galla og skilaréttur

Við skoðum vandlega hverja sendingu fyrir afhendingu til þín. Ef vörurnar eru samt sem áður rangar, skemmdar eða gallaðar við komu til þín, skal Kubuneh ráða bót á gallanum með endurgreiðslu að sömu upphæð sé þess óskað en þér stendur einnig til boða að álíta upphæðina sem styrk til verkefnisins.

Ef um er að ræða rangar, skemmdar eða gallaðar vörur, ertu vinsamlegast beðin(n/ð) um að hafa samband við þjónustudeild Kubuneh, kubunehverslun@gmail.com.

Tilkynning á gallaðri vöru verður að vera innan 7 daga frá móttöku vöru.

7. Ábyrgð

Kubuneh áskilur sér rétt til að falla frá afhendingu pöntunarinnar ef skýr og augljós verðvilla birtist á vefsíðunni (t.d. verð vörunnar virðist vera of hátt eða of lágt eða ef verð er gefið upp sem 0 kr.). Í slíku tilviki skal Kubuneh tilkynna þér strax um villuna og leiðrétta verð.

Óheimilt er að afrita, hlaða niður, geyma, senda eða annað af svipuðum toga sem tengist texta og myndum sem birtar eru á kubuneh.is í neinum tilgangi án skriflegs leyfis Kubuneh. Kubuneh ber enga ábyrgð á neinum töfum sem verða á afhendingu pantana vegna utanaðkomandi atburða, þ.mt en ekki takmarkað við stríð, flóð, eldsvoða, vinnudeilur, verkföll, uppþot, óeirðir, opinberar aðgerðir eða aðra svipaða atburði.

Kubuneh leitast við að lýsa vörum með ljósmyndum á Kubuneh.is en það gætu verið minniháttar litabreytingar á milli mynda og raunverulegra vara vegna fjölda þátta eins og vafra sem er notaður eða litaskjástillinga. Kubuneh er ekki ábyrgt fyrir mismunandi litum vegna fyrrnefndra þátta. Ekki eru nákvæmar skriflegar lýsingar á vörum né efna innihald vara. Stærðir sem gefnar eru upp eru stærðir sem koma fram á hverri vöru fyrir sig. Kubuneh reynir eftir bestu getu að gefa upp stærð ef hún ekki fram á vöru eða ef uppgefin stærð á vöru þykir ekki gefa réttar upplýsingar.

Kubuneh á rétt á að trufla/stöðva notkun Kubuneh.is hvenær sem er, t.d. vegna viðhaldsaðgerða.

8. Breytingar á skilmálum

Ef við ákveðum að breyta eða uppfæra skilmála okkar verður dagsetningu hér að neðan breytt.

Skilmálum var síðast breytt 18.08.2025

Úrskurðaraðili vegna ágreinings á sviði neytendamála er kærunefnd vöru- og þjónustukaupa – Borgartúni 21 – www.kvth.is